|
Azərbaycanda galatasaraylılar grupunun saytında “zirvədəyik” başlıqlı flash xəbər yerləşdirilmişdir. Görünür əzəli rəqib və dost komandanın Fənərbahçenin son iki turda heç-heçələr edərək xallar itirməsi galatasaraylılar üçün gözlənilməz və xoş sürpriz olmuşdur. Bu da təbiidir, çünkü Türkcell Süper Ligdə ən dayanıqlı heyətə sahib olan və Türkiyə futbol mütəxəssislərinin yorumlarına görə ən yaxşı futbol nümayiş etdirən Fənərbahçenin Diyarbakırspor və Manisaspor qarşısında xal itirməsini heç kim gözləmirdi. Bunun üçün tam əsas da vardı: Əmrənin, Özərin, Semihin, Mehmetin və b. yüksələn performansı, komanda ruhunun yüksək olması, sona qədər mübarizə əzmi vəs. Amma futbolda hər şey olur... Maraqlı məqam isə budur ki, Qalatasaray zəhmətsiz xallar nəticəsində 1-ci yerə yüksəlmişdir. Belə ki, 21-ci turda Qalatasaray TFF tərəfindən yarışdan uzaqlaşdırılan Ankarasporla qarşılaşmalı idi və oynamadan 3:0 qələbə “qazanmışdır”. Beləliklə də, Qalatasarayı zirvəyə yerləşdirən 3 xal zəhmətsiz qazanılmışdır. Kimsə deyə bilər ki, 1-ci devrədə Fənərbahçe də Ankaraspor qarşısında oynamadan qələbə qazanmışdır. Lakin nəzərə almaq lazımdır ki, həmin 12-ci turda Fənərbahçe artiq çoxdan zirvədəydi və tər tökərək qazandığı oyunlar nəticəsində liderliyə yüksəlmiş və lider olmaq üçün bu zəhmətsiz 3 xala ehtiyacı yox idi. Fikrimizcə, zəhmətsiz liderlik uzun sürməz. Zirvə üçün tər tökmək lazımdır, bunu oyununla haqq etməlisən. Amma devrəarası transfer dövründə səhvləri nəticəsində hücumcusuz qalan, nümayiş etdirdiyi oyunla tənqidlərə məruz qalan Qalatasarayın liderliyi şübhəsiz müvəqqətidir. Son iki turda xal itirən Fənərbahçenin tezliklə zirvəyə qalxması heç kimdə şübhə doğurmamalıdır. Heç kimdə boşuna ümidlənməməlidir... Oxunub: 706=> Постоянный адрес статьи: http://fb.azeriler.biz/index.php?option=com_content&task=view&id=122&Itemid=1 |